從抗拒網課到主動講英文：兩個月嘅態度大逆轉

「你呢啲錢一定使得值！」——訪問結束前，Egan媽媽毫不猶豫咁講出呢句說話。作為一個試過實體英文班、YouTube教學片，甚至自己教文法嘅家長，呢句說話背後，藏住一段充滿變化同驚喜嘅學習歷程。
最初，Egan媽媽幫佢報讀實體英文課程，但長時間坐定定喺課室，令Egan嘅專注力成日遊魂，學習效果未如理想。佢哋又試過用YouTube教學片輔助學習，甚至親自教文法，結果依然唔明顯，Egan對學英文都冇咩興趣。
直至偶然發現51Talk，抱住一試嘅心態報咗免費體驗課，Egan對英文嘅興趣之門就意外打開咗。
「體驗課之後，小朋友已經好鍾意，成堂專注力十足，同老師嘅互動交流非常自然。」
回望呢個決定，Egan媽媽好慶幸。
短短兩個月，Egan嘅表達方式由單字變成完整句子，仲會主動用英文溝通，進步快得令父母都驚訝。

老師幫手攻克文法難關 建立表達自信
小朋友初階學習最頭痛嘅其中一環就係文法理解，尤其句子結構同時態變化，好多時會搞到亂晒籠。但51Talk嘅課程設計係圍住小朋友學習進度嚟行，透過大量實境對話、情景訓練，加上老師嘅耐心解說同鼓勵，Egan慢慢建立返文法邏輯，表達亦開始順暢。
媽媽提到：
「老師好有耐性，用鼓勵嘅方式令小朋友願意開口講。Egan對課堂內容記憶好深，成日落堂後複述畀我聽，喺屋企都繼續訓練。」
而Egan自己就話，最開心就係同老師上堂玩互動遊戲，喺開心輕鬆嘅氛圍入面，學英文變成一件值得期待嘅事。

高頻+高專注 = 高效率
從傳統課室轉到線上學習，最大嘅改變係效率提高。Egan媽媽分享，一對一教學令Egan嘅專注度提升之餘，CP值亦更高，每星期上課時間更靈活，可以安排更多堂數，高效率學習。就連屋企人當初反對網課，而家都不時睇返上堂片、課後練習，積極參與學習過程。
「以前好難發現小朋友喺邊度卡關，而家每一堂落堂都有明確嘅反饋，而且好多謝老師課堂節奏嘅即時調整，配合返小朋友學習需要，幫佢Keep住穩定訓練。」
更令人欣慰嘅係，學校老師都發現咗進步。佢哋話Egan上堂積極咗好多，而家仲可以好自然咁中英文夾雜對話，學習自信心明顯提升。

從「一試無妨」到「極力推薦親朋好友」
當初只係抱住「試吓先」心態嘅Egan媽媽，而家對51Talk嘅評價係「10分滿分，5星爆燈！」佢仲將51Talk推薦畀朋友，希望更多小朋友可以體會到同樣嘅正面學習成果。
加上有課程統籌跟進，每個階段嘅進步都有明確規劃，家長可以更好咁配合課程進度，學習成果不斷鞏固。